Friday, December 3, 2021

Burera: Mu mezi umunani ibiyobyabwenge bimaze guhitana abantu 28

INKURU ZIKUNZWE

Ikigo NESA kirihanganisha abakosoye kibizeza guhembwa vuba

Umuyobozi mukuru w’ikigo cy’igihugu gishinzwe ibizamini no kugenzura amashuri (NESA) arizeza abarimu bakosoye ibizamini bya Leta ko amafaranga bakoreye azaba yabagezeho mu cyumweru kimwe...

Huye: Umugabo atyaza umuhoro akawuraza ku musego, “ngo abwira umugore ko uzakora akantu”

Umugore utuye mu Mudugudu wa Kabakobwa, Akagari ka Musebeya mu Murenge wa Kigoma mu Karere ka Huye avuga ko ahohoterwa n’umugabo bikaniyongeraho kumubwira amagambo...

Hon. Frank Habineza asabye abayobozi ba RURA kwegura niba bananiwe kumanura ibiciro by’ingendo

Intumwa ya rubanda akaba n’umuyobozi w’ishyaka Riharanira Demukarasi no Kurengera Ibidukikije mu Rwanda (Democratic Green Party of Rwanda), Hon. Frank Habineza, mu...

Ibiribwa byongera amasohoro ku bagabo

mpuguke mu by’ubuzima zihamya ko kongera amasohoro no kugira amasohoro afite ubuzima byongera amahirwe yo kubyara, usibye kuba byongera umunezero hagati y’umugabo ugeze igihe...

Abaturage bo mu Karere ka Burera bakomeje gushyingura abahitanwa n’ibiyobyabwenge, aho mu mezi umunani ashize abantu 28 muri ako karere bishwe n’ibiyobyabwenge.

Kanyanga zituruka muri Uganda

Ni raporo yatangiwe mu gikorwa cyo gutangiza ubukangurambaga bwo kurwanya ibiyobyabwenge mu Karere ka Burera, aho abaturage banakanguriwe kwirinda kwambukiranya imipaka mu buryo bunyuranyije n’amategeko, dore ko mu mirenge 17 igize ako karere, imirenge itandatu ikora ku mupaka.

Kuba igice kinini kigize ako karere gikora ku mupaka, ni imwe mu mbogamizi mu gukumira abaturage barenga ku mabwiriza bakambukiranya imipaka, aho hari udutsiko tw’abaturage biganjemo urubyiruko bazwi ku izina ry’abarembetsi bigize ibyihebe, bakaba bakomeje gutunda ibiyobyabwenge bamenya ubatanzeho amakuru bakamugirira nabi.

Ku wa Gatatu tariki 16 Nzeri 2020, mu gikorwa cyo kumena ibiyobyabwenge byafatiwe mu Karere ka Burera mu mezi atanu ashize, hamenwe ibiyobyabwenge bifite agaciro k’amafaranga y’u Rwanda miliyoni 40 n’ibihumbi 563.

Ni ibiyobyabwenge byafatanywe abantu basaga 4,000 biganjemo urubyiruko babivana muri Uganda bambutse imipaka itemewe n’amategeko, aho mu mirenge ibiri ari yo Cyanika na Kagogo hafatiwe ibiyobyabwenge bifite agaciro gasaga miliyoni 10.

Ubuyobozi bw’Akarere ka Burera busanga ikibazo cy’ibiyobyabwenge muri ako gace gikomeje guteza ibibazo by’amakimbirane mu ngo, nubwo ngo ubuyobozi n’inzego zishinzwe umutekano badahwema kubirwanya.

Ubwo buyobozi buremeza ko ibyo biyobyabwenge bikomeje gutwara umubare munini w’ubuzima bw’abaturage, aho mu mezi umunani ashize, 28 bishwe n’ibiyobyabwenge.

Umuyobozi w’Akarere ka Burera, Uwanyirigira Marie Chantal, yagize ati “Nyuma y’uko dukoze isesengura tukareba ikibazo kiri mu Karere kacu ka Burera kinahungabanya umutekano w’abaturage, twasanze dufite ikibazo gikomeye cy’ibiyobyabwenge haba kubitunda kubikwirakwiza, kubinywa ndetse no kubikoresha, dugasanga dufite ikindi kibazo kijyanye na magendu zigenda zinjira zivanwa muri Uganda zizanwa mu gihugu cyacu, ndetse tunasanga dufite n’ikindi kibazo cy’abaturage bakoresha umupaka mu buryo bunyuranyije n’amategeko, twafashe umwanzuro wo gutangiza ubukangurambaga twatangirije hano mu Cyanika”.

Akomeza agira ati “Twagize ngo dukomeze kwegera abaturage tubereke ububi bw’ibiyobyabwenge, twongere tubereke ububi bwa magendu, uburyo zimunga ubukungu bw’igihugu, mwabonye ko habaye n’igikorwa cyo gusenya ibiyobyabwenge.

Muri aya mezi umunani kuva mu mpera z’ukwezi kwa mbere, twagize ikibazo gikomeye bigaragara ko ibiyobyabwenge bikomeje kutumaraho abantu, kugeza uyu munsi dufite abantu 28 bamaze kuhasiga ubuzima”.

Abo ngo bagiye bicwa n’ibiyobyabwenge mu buryo bw’urugomo aho bajyaga babirwaniramo bagapfa, abandi bakagwa mu mpanuka zitewe no gukoresha ibiyobyabwenge no kubitunda mu ijoro.

Mu buhamya bw’abakoresheje ibiyobyabwenge n’abafatanywe magendu nyuma bagahinduka bakabivamo, bavuga ko igihe cyose babayeho muri ubwo bucuruzi bunyuranyije n’amategeko batigeze bagira iterambere bigezaho.

Umugore witwa Ntabanganyimana Jeannette wakoraga ubucuruzi bwa magendu, agira ati “Nacaga inzira za panya (zitemewe) ngiye kuzana ibicuruzwa muri Uganda, imyaka nabimazemo nta mahoro nigeze ngira nahoraga nkwepa inzego z’umutekano nkirirwa nkanuye amaso kurya narabyibagiwe ku buryo nta terambere nigeze ngeraho.

Ariko ubu Yezu yangiriye neza ndita ku bana banjye, ndahinga nkiteza imbere. Murabona uburyo nsa neza”.

Uwo mubyeyi arasaba abakiri muri ubwo bucuruzi, kubireka kuko bidindiza iterambere ryabo n’iry’igihugu.

Ati “Bagenzi banjye ndicara nkababwira nti mwa bagore mwe niba muzi ubwenge mubivemo, nkababwira nti uzankandagirira no ku muryango ngo muhishire nzamutabariza bamufate kuko nta cyiza nabibonyemo”.

Hashakimana Phocas wahoze ari umurembetsi, agira ati “Njye navuye mu ishuri njya mu burembetsi nshutswe n’abasore twari duturanye nanjye ntangira kujyana na bo, tukazana ibiyobyabwenge tukagurisha tugasubirayo.

Nkiri umurembetsi sinakarabaga, kubaho kwari ugucungana na Polisi n’abasirikare hari n’ubwo twabikangaga tukabijugunya hasi tukirika. Baramfashe bamfungira mu Kinigi marayo amezi abiri mfata umwanzuro wo kubivamo burundu”.

Akomeza agira ati “Uburyo nasaga bwari buteye ubwoba hari ubwo namaraga n’umwaka ntabonanye n’umuryango wanjye. Ndasaba abakibirimo kubivamo kuko nta cyo bimaze”.

- Advertisement -

INKURU ZEREKERANYE N' IYI

LEAVE A REPLY

Please enter your comment!
Please enter your name here

- Kwamamaza -

AMAKURU AGEZWEHO

Gicumbi :Urukiko rw’Ibanze rwa Byumba rwafashe icyemezo cyo gufunga by’agatagenyo iminsi 30 Umupadiri

  Urukiko rw’Ibanze rwa Byumba rwafashe icyemezo cyo gufunga by’agatagenyo iminsi 30 Umupadiri wo muri Paruwasi Gatulika yo mu Murenge wa Cyungo mu Karere ka...

Amagi y’isazi agiye kuba Imari ishyushye ku borozi

Aborozi b’abamtungo magufi nk’Ingurube n’Inkoko bamaze iminsi biyasira bavuga ko ibiryo by’aya matungo bikomeje guhenda, mu gihe Ikigo cy’Igihugu gishinzwe Ubuhinzi n’Ubworozi RAB kibamara...

abayoboke ba Islam bakurikiranyweho ibyaha by’iterabwoba, rukabahanisha gufungwa burundu no kwamburwa uburenganzira bumwe.

Ubushinjacyaha bwasabye Urugereko rw’Urukiko Rukuru ruburanisha ibyaha mpuzamahanga n’ibyambukiranya imipaka, guhamya ibyaha abayoboke ba Islam bakurikiranyweho ibyaha by’iterabwoba, rukabahanisha gufungwa burundu no kwamburwa uburenganzira...

Paris: Inyangamugayo yikuye mu iburanisha kubera uburwayi

  Taliki 01ukuboza 2021, urubanza rwa Muyahimana Claude ushinjwa ubufatanyacyaha muri jenoside yakorewe abatutsi 1994 n’ibyaha byibasiye inyoko muntu,rwakomeje ni ku munsi wa 10 w’urubanza...

Nyagatare :Inkuba yakubise inka 10 z’Umuturage wari uziragiye mu Rwuri

Inkuba yakubise inka 10 z’Umuturage wari uziragiye mu Rwuri ruherereye mu Mudugudu wa Rubira, mu Kagali ka Rutungo Umurenge wa Rwimiyaga mu Karere ka...
- Kwamamaza -