Friday, December 3, 2021

Car Free Day yasubukuwe mu isura

INKURU ZIKUNZWE

Ikigo NESA kirihanganisha abakosoye kibizeza guhembwa vuba

Umuyobozi mukuru w’ikigo cy’igihugu gishinzwe ibizamini no kugenzura amashuri (NESA) arizeza abarimu bakosoye ibizamini bya Leta ko amafaranga bakoreye azaba yabagezeho mu cyumweru kimwe...

Huye: Umugabo atyaza umuhoro akawuraza ku musego, “ngo abwira umugore ko uzakora akantu”

Umugore utuye mu Mudugudu wa Kabakobwa, Akagari ka Musebeya mu Murenge wa Kigoma mu Karere ka Huye avuga ko ahohoterwa n’umugabo bikaniyongeraho kumubwira amagambo...

Hon. Frank Habineza asabye abayobozi ba RURA kwegura niba bananiwe kumanura ibiciro by’ingendo

Intumwa ya rubanda akaba n’umuyobozi w’ishyaka Riharanira Demukarasi no Kurengera Ibidukikije mu Rwanda (Democratic Green Party of Rwanda), Hon. Frank Habineza, mu...

Ibiribwa byongera amasohoro ku bagabo

mpuguke mu by’ubuzima zihamya ko kongera amasohoro no kugira amasohoro afite ubuzima byongera amahirwe yo kubyara, usibye kuba byongera umunezero hagati y’umugabo ugeze igihe...

Nyuma y’iminsi 204 siporo rusange ya Car Free Day ihagaritswe nk’imwe mu ngamba zo gukumira icyorezo cya Coronavirus, kuri iki Cyumweru yongeye gusubukurwa mu Mujyi wa Kigali yitabirwa n’abarimo Minisitiri wa Siporo, Munyangaju Aurore Mimosa.

Kuva tariki ya 1 Werurwe uyu mwaka ubwo haherukaga kuba iyi siporo rusange ihuza Abanyarwanda mu bice bitandukanye by’igihugu, kugeza kuri iki Cyumweru, hari hashize amezi atandatu n’iminsi 20 idategurwa, ni nyuma y’uko ku wa 14 Werurwe aribwo Minisiteri y’Ubuzima yatangaje ko mu Rwanda habonetse umurwayi wa mbere wa Coronavirus.

Mu bice bitandukanye by’Umujyi wa Kigali, ahabereye iyi siporo rusange, abantu b’ingeri zitandukanye kuva ku bana kugeza ku bakuze, bose babyutse kare bajya kwiruka mu muhanda, bamwe banyonga amagare na mbere y’uko saa moya (07:00) zigera ngo imodoka na moto bibuzwe kongera kugenda.

Ni siporo rusange yarimo umwihariko ugereranyije n’uko byakorwaga mbere y’icyorezo cya Coronavirus. Abayitabiriye bari bitwaje udupfukamunwa nubwo batadukoranaga kuko bishobora kugira ingaruka zitari nziza ku muntu uri muri siporo.

Ku marembo ya Stade Amahoro, hari umurongo muremure w’abinjira bajya gukoreramo imbere, ariko bakabanza kwandikwa no gukaraba intoki.

Ntibyari byemewe gukorera hamwe mu kivunge kuko buri wese yagombaga kuzirikana intera ya metero ebyiri hagati ye na mugenzi we ndetse buri wese akibuka gukoresha umuti usukura intoki (hand sanitizer).

Minisitiri wa Siporo, Munyangaju Aurore Mimosa, ni umwe mu batari bake bitabiriye iyi siporo, aho yavuye kuri Stade Amahoro ari kumwe n’Umuyobozi w’Umujyi wa Kigali; Pudence Rubingisa, bakora urugendo rugera ku masangano y’imihanda ya Kimihurura ahakorera Ikigo cy’Igihugu cy’Imisoro n’Amahoro (RRA) mbere yo kugaruka kuri Stade Amahoro.

Minisitiri Munyangaju yavuze ko bongeye gufungura Car Free Day kugira ngo Abanyarwanda bitabire siporo, bibafashe kwirinda indwara zishobora guterwa no kutayikora.

Ati “Car Free Day yari imaze igihe kinini yarahagaze nk’uko n’izindi siporo zisanzwe zari zarahagaze nubwo hari izusubukurwa buhoro buhoro cyane siporo y’umuntu ku giti cye. Uyu munsi rero Car Free Day yafunguwe kubera ko icya mbere; nubwo hari icyorezo ariko tugomba kwirinda tunakora siporo.”

“Ikindi ni uko Abanyarwanda benshi bagaragaje ko bakeneye siporo. Ntabwo ari byiza ko abantu bamara igihe kinini badakora siporo kuko bagomba kwirinda za ndwara ziterwa no kuba umuntu adakora siporo.”

Minisitiri wa Siporo yavuze ko kandi Car Free Day yafunguwe nyuma yo gusanga hari umubare munini w’abasaga 500 bakorera muri Stade Amahoro kandi na none abantu bagomba gukorera ahantu hisanzuye kugira ngo birinde kwanduzanya.

Ati “Hano kuri Stade niho hantu hafunguye muri Kigali hakorerwa siporo, byagaragaye ko haza abantu benshi ugasanga nko ku Cyumweru harimo abantu basaga 500 utabariyemo abana. Byabaye ngombwa ko Leta ifungura Car Free Day kugira ngo abantu bakoreshe imihanda, habe ubwisanzure abantu babe batakwanduzanya.”

Car Free Day ni yo siporo ihuza abantu benshi ibimburiye izindi gufungura mu gihe Minisiteri ya Siporo iherutse gutangaza ko ibindi bikorwa by’imikino itandukanya ihuza abantu benshi bizafungurwa mu ntangiriro z’Ukwakira, hakurikizwa ingamba zo kwirinda Covid-19 nk’uko Minisitiri Munyangaju yakomeje abigarukaho.

Ati “Kuba Car Free Day yongeye gufungurwa n’Abanyarwanda ubwacu, ubuzima burakomeza ariko twibuke ko icyorezo kirahari, tugomba kukirinda nubwo tuba turi muri siporo. N’imikino igiye gusubukurwa, ngira ngo mwarabyumvise, ariko izasubukurwa mu rwego rwo kwirinda. Ntabwo izasubukurwa nk’uko mbere byari bimeze, izasubukurwa mu bundi buryo harimo kwirinda.”

Siporo rusange ya Kigali Car Free Day yatangijwe muri Gicurasi 2016 igamije gushishikariza abatuye Umujyi wa Kigali umuco wo gukora siporo no kubiborohereza; gushishikariza abaturage kwirinda indwara zitandukanye, aho bahabwa inama bakanapimwa izi ndwara ku buntu. Kuri ubu no mu ntara zindi iyi Siporo ikaba ikorwa.

Gusa kuri iyi nshuro, nta gupimwa izi ndwara zitandura byakozwe kuko abantu batemerewe gukorera hamwe nk’imwe mu ngamba zo kwirinda ikwirakwira ry’icyorezo cya Coronavirus.

Mu ntangiriro za 2018 nibwo Perezida Kagame yasabye ko yazajya iba kabiri mu kwezi; ku Cyumweru cya mbere cy’ukwezi n’icya gatatu.

- Advertisement -

INKURU ZEREKERANYE N' IYI

LEAVE A REPLY

Please enter your comment!
Please enter your name here

- Kwamamaza -

AMAKURU AGEZWEHO

Gicumbi :Urukiko rw’Ibanze rwa Byumba rwafashe icyemezo cyo gufunga by’agatagenyo iminsi 30 Umupadiri

  Urukiko rw’Ibanze rwa Byumba rwafashe icyemezo cyo gufunga by’agatagenyo iminsi 30 Umupadiri wo muri Paruwasi Gatulika yo mu Murenge wa Cyungo mu Karere ka...

Amagi y’isazi agiye kuba Imari ishyushye ku borozi

Aborozi b’abamtungo magufi nk’Ingurube n’Inkoko bamaze iminsi biyasira bavuga ko ibiryo by’aya matungo bikomeje guhenda, mu gihe Ikigo cy’Igihugu gishinzwe Ubuhinzi n’Ubworozi RAB kibamara...

abayoboke ba Islam bakurikiranyweho ibyaha by’iterabwoba, rukabahanisha gufungwa burundu no kwamburwa uburenganzira bumwe.

Ubushinjacyaha bwasabye Urugereko rw’Urukiko Rukuru ruburanisha ibyaha mpuzamahanga n’ibyambukiranya imipaka, guhamya ibyaha abayoboke ba Islam bakurikiranyweho ibyaha by’iterabwoba, rukabahanisha gufungwa burundu no kwamburwa uburenganzira...

Paris: Inyangamugayo yikuye mu iburanisha kubera uburwayi

  Taliki 01ukuboza 2021, urubanza rwa Muyahimana Claude ushinjwa ubufatanyacyaha muri jenoside yakorewe abatutsi 1994 n’ibyaha byibasiye inyoko muntu,rwakomeje ni ku munsi wa 10 w’urubanza...

Nyagatare :Inkuba yakubise inka 10 z’Umuturage wari uziragiye mu Rwuri

Inkuba yakubise inka 10 z’Umuturage wari uziragiye mu Rwuri ruherereye mu Mudugudu wa Rubira, mu Kagali ka Rutungo Umurenge wa Rwimiyaga mu Karere ka...
- Kwamamaza -