Saturday, December 4, 2021

Kabuga Félicien aroherezwa i Arusha cyangwa araguma i Paris?

INKURU ZIKUNZWE

Ikigo NESA kirihanganisha abakosoye kibizeza guhembwa vuba

Umuyobozi mukuru w’ikigo cy’igihugu gishinzwe ibizamini no kugenzura amashuri (NESA) arizeza abarimu bakosoye ibizamini bya Leta ko amafaranga bakoreye azaba yabagezeho mu cyumweru kimwe...

Huye: Umugabo atyaza umuhoro akawuraza ku musego, “ngo abwira umugore ko uzakora akantu”

Umugore utuye mu Mudugudu wa Kabakobwa, Akagari ka Musebeya mu Murenge wa Kigoma mu Karere ka Huye avuga ko ahohoterwa n’umugabo bikaniyongeraho kumubwira amagambo...

Hon. Frank Habineza asabye abayobozi ba RURA kwegura niba bananiwe kumanura ibiciro by’ingendo

Intumwa ya rubanda akaba n’umuyobozi w’ishyaka Riharanira Demukarasi no Kurengera Ibidukikije mu Rwanda (Democratic Green Party of Rwanda), Hon. Frank Habineza, mu...

Ibiribwa byongera amasohoro ku bagabo

mpuguke mu by’ubuzima zihamya ko kongera amasohoro no kugira amasohoro afite ubuzima byongera amahirwe yo kubyara, usibye kuba byongera umunezero hagati y’umugabo ugeze igihe...

Urukiko rusesa imanza rwo mu Bufaransa, kuri uyu wa 30 Nzeri rutegerejweho umwanzuro wemeza niba Kabuga Félicien ushinjwa kuba umuterankunga wa Jenoside yakorewe Abatutsi mu 1994, ashyikirizwa Urwego rwasigariyeho Urukiko Mpuzamahanga rwashyiriweho u Rwanda, i Arusha, ngo abe arirwo rumuburanisha, cyangwa niba azaburanira mu Bufaransa nk’uko abavoka be babisaba.

Kabuga w’imyaka 87 yafatiwe mu gace ka Asnières-sur-Seine mu Bufaransa, ku wa 16 Gicurasi 2020.

Ku wa 3 Kamena nibwo Urukiko rw’Ubujurire rw’i Paris rwanzuye ko agomba kohererezwa i Arusha muri Tanzania akaba ariho aburanishirizwa, ahita ajuririra Urukiko rusesa imanza, arusaba kwemeza ko yaburanishirizwa mu Bufaransa ku mpamvu z’ubuzima bwe..

Ku wa 2 Nzeri Urukiko rusesa imanza rwasuzumye ubujurire bwe, Me Louis Boré wunganira Kabuga asobanura ko umukiliya we arwaye diabète, umuvuduko ukabije w’amaraso na Leukoaraiosis, indwara ahanini ijyana n’izabukuru igatuma umuntu atakaza ubushobozi bwo kugenzura neza umubiri we no kwibuka cyangwa gutekereza neza.

Ibyo ngo ntabwo bituma “abasha koherezwa hitawe ku buzima bwe, muri kilometero 7000 uvuye i Paris”, ni ukuvuga kumujyana i Arusha muri Tanzania aho urukiko rwa mbere rwemeje ko agomba kuburanira.

Mbere y’iminsi ine ngo uyu munsi ugere, mu itangazamakuru ryo mu Bufaransa hakwiriye amakuru avuga ko Kabuga arembye ndetse ko agiye kuvanwa muri gereza ya “La Santé” afungiyemo, akajyanwa mu bitaro.

AFP yatangaje Kabuga yagombaga gukurwa aho afungiwe mu mpera z’icyumweru gishize “kubera z’uburwayi”, ndetse hari amakuru ko ku wa Gatanu wacyo yajyanywe ku bitaro mu murwa mukuru Paris, kubera uburwayi bw’amara.

Abunganizi be basabaga ko arekurwa agashyirwa mu nzu acungirwamo hifashishijwe inzogera y’ikoranabuhanga, akitabwaho n’abana be. Bavuze ko muri gereza umukiliya wabo nta muntu n’umwe bumvikana mu rurimi, mu gihe akeneye ubufasha buhoraho.

Umunyamategeko Richard Gisagara, aheruka kubwira IGIHE ko hari amahirwe menshi ko Kabuga azoherezwa mu nkiko za Loni, nubwo bishoboka ko habamo ugutungurana.

Ati “Njye ndumva nka 90% Urukiko ruzamwohereza kujya kuburanira mu Rukiko Mpuzamahanga Mpanabyaha, ariko 10% gasigaye nako ni kanini, bishobora guhinduka. Simbona impamvu n’imwe mu buryo bw’amategeko ibuza kumwohereza. Iyo aza kuba ari ukumwohereza mu kindi gihugu atari ukuvuga ngo mu rukiko mpuzamahanga, aho igitekerezo cyanjye nticyaba 90%.”

Kabuga ashinjwa ibyaha bikomeye bya jenoside yakoze nka Perezida wa Komite yashinze radiyo RTLM (Radiotélévision Libre des Mille Collines) guhera muri Mata 1993, n’ibyo yakoze nka Perezida wa Komite y’agateganyo y’Ikigega cyo kurengera igihugu kuva gishingwa muri Mata 1994.

Ni ibyaha birindwi birimo jenoside, ubufatanyacyaha muri jenoside, guhamagarira abantu mu buryo butaziguye kandi mu ruhame gukora jenoside, ubwinjiracyaha bwa jenoside, ubwumvikane bugamije gukora jenoside, gutoteza no gutsembatsemba.

Mu gihe Urukiko rusesa imanza rwakwemeza ko Kabuga yoherezwa i Arusha, u Bufaransa bwaba bufite ukwezi kumwe gusa ko gushyira mu bikorwa icyemezo cy’uruko.

- Advertisement -

INKURU ZEREKERANYE N' IYI

LEAVE A REPLY

Please enter your comment!
Please enter your name here

- Kwamamaza -

AMAKURU AGEZWEHO

Gicumbi :Urukiko rw’Ibanze rwa Byumba rwafashe icyemezo cyo gufunga by’agatagenyo iminsi 30 Umupadiri

  Urukiko rw’Ibanze rwa Byumba rwafashe icyemezo cyo gufunga by’agatagenyo iminsi 30 Umupadiri wo muri Paruwasi Gatulika yo mu Murenge wa Cyungo mu Karere ka...

Amagi y’isazi agiye kuba Imari ishyushye ku borozi

Aborozi b’abamtungo magufi nk’Ingurube n’Inkoko bamaze iminsi biyasira bavuga ko ibiryo by’aya matungo bikomeje guhenda, mu gihe Ikigo cy’Igihugu gishinzwe Ubuhinzi n’Ubworozi RAB kibamara...

abayoboke ba Islam bakurikiranyweho ibyaha by’iterabwoba, rukabahanisha gufungwa burundu no kwamburwa uburenganzira bumwe.

Ubushinjacyaha bwasabye Urugereko rw’Urukiko Rukuru ruburanisha ibyaha mpuzamahanga n’ibyambukiranya imipaka, guhamya ibyaha abayoboke ba Islam bakurikiranyweho ibyaha by’iterabwoba, rukabahanisha gufungwa burundu no kwamburwa uburenganzira...

Paris: Inyangamugayo yikuye mu iburanisha kubera uburwayi

  Taliki 01ukuboza 2021, urubanza rwa Muyahimana Claude ushinjwa ubufatanyacyaha muri jenoside yakorewe abatutsi 1994 n’ibyaha byibasiye inyoko muntu,rwakomeje ni ku munsi wa 10 w’urubanza...

Nyagatare :Inkuba yakubise inka 10 z’Umuturage wari uziragiye mu Rwuri

Inkuba yakubise inka 10 z’Umuturage wari uziragiye mu Rwuri ruherereye mu Mudugudu wa Rubira, mu Kagali ka Rutungo Umurenge wa Rwimiyaga mu Karere ka...
- Kwamamaza -