Kamonyi: Batanu batawe muri yombi bakekwaho gutema umuntu ijosi

Polisi y’u Rwanda yatangaje ko yataye muri yombi Kamuhanda Jean Claude, Nkurikiyimana Rucakatsi Alias Njili, Hagenimana Francois, Ntitanguranwa Jean Bosco, na Ishimwe Jean Claude Alias Kimasa.

Barakekwaho gutema ijosi Uwineza Etienne mu ijoro ryo ku itariki ya 08 rishyira ku itariki ya 09 Mutarama 2021, byabereye mu murenge wa Ngamba mu Karere ka Kamonyi.

Polisi itangaza ko bose bafungiye kuri Sitasiyo ya Polisi ya Remera Rukoma mu gihe iperereza ririmo gukorwa n’urwego rushinzwe ubugenzacyaha (RIB).