Gen Rusoke wo muri Uganda yagizwe Ambasaderi Wayo Mu Rwanda

Itangazo Perezida wa Uganda yaraye asohoye rivuga ko Major General Robert Rusoke ari we ugomba guhagararira igihugu cye mu Rwanda.

Uyu musirikare wagiye mu kiruhuko cy’izabukuru yari asanzwe ahagarariye inyungu za Uganda muri Sudani y’Epfo.

Mu mwaka wa 2012 nibwo yagizwe Ambasaderi wa Uganda i Juba. Mbere yari umwe mu bagaba b’ingabo za Uganda, UPDF.

Perezida Museveni kandi yohereje Major Gen(Rtd) Matayo Kyaligonza ngo ahagararire Uganda i Gitega mu Burundi.

I Dar es Salaam ho yoherejeyo Col( Rtd) Mwesigye Fred.

Muri Repubulika ya Demukarasi ya Congo yoherejeyo Hajji Kaliisa Farid.

source :Tariffa.rw