Friday, December 3, 2021

Nyanza/Nyagisozi: Umukobwa arara ku ikoma munsi y’avoka iri mu itongo rya Nyirakuru

INKURU ZIKUNZWE

Ikigo NESA kirihanganisha abakosoye kibizeza guhembwa vuba

Umuyobozi mukuru w’ikigo cy’igihugu gishinzwe ibizamini no kugenzura amashuri (NESA) arizeza abarimu bakosoye ibizamini bya Leta ko amafaranga bakoreye azaba yabagezeho mu cyumweru kimwe...

Huye: Umugabo atyaza umuhoro akawuraza ku musego, “ngo abwira umugore ko uzakora akantu”

Umugore utuye mu Mudugudu wa Kabakobwa, Akagari ka Musebeya mu Murenge wa Kigoma mu Karere ka Huye avuga ko ahohoterwa n’umugabo bikaniyongeraho kumubwira amagambo...

Hon. Frank Habineza asabye abayobozi ba RURA kwegura niba bananiwe kumanura ibiciro by’ingendo

Intumwa ya rubanda akaba n’umuyobozi w’ishyaka Riharanira Demukarasi no Kurengera Ibidukikije mu Rwanda (Democratic Green Party of Rwanda), Hon. Frank Habineza, mu...

Ibiribwa byongera amasohoro ku bagabo

mpuguke mu by’ubuzima zihamya ko kongera amasohoro no kugira amasohoro afite ubuzima byongera amahirwe yo kubyara, usibye kuba byongera umunezero hagati y’umugabo ugeze igihe...

Mukansengimana Pelagie atuye mu Mudugudu wa Kigohe, mu Kagari ka Gihunga mu Murenge wa Nyagisozi mu Karere ka Nyanza, Umunyamakuru wa UMUSEKE yamusanze ahurura ibishyimbo bya mushingiriro ku mihembezo (ibiti bifashisha bashingirira ibishyimo) avuga ko ariho amaze iminsi aba kuva ku Cyumweru taliki ya 26 Gicurasi 2021.

Ati “Ubuzima mbayeho ni bubi (ari kurira) ndara aha munsanze mu itongo rya nyogukuru, abaturage iyo bangiriye impuhwe bampa ibiryo.”

Aho avuga aba, Umunyamakuru yahabonye urukoma uwo mukobwa yari yicayeho anavuga ko aryamaho maze akiyorosa igitegenge yari akenyeye, ibindi byahagaragaraga ni akajerekani n’agafuka katarimo ikintu.

Ku ruhande rw’abaturanyi baganiriye na UMUSEKE bavuze ko bazi ko arara munsi y’igiti cy’avoka aho byatewe n’uko inzu yabagamo abo muryango we bazisenye adahari yagiye kuvoma agarutse asanga baziyasenye.

Ubusanzwe afite nyina umubyara yabajijwe impamvu yahisemo kuba mu itongo rya nyirakuru aho gusanga nyina, asubiza agira ati “Mama yishakiye undi mugabo kandi kuri uwo mugabo na bo ntibanyemera bavuga ko basezeranye na Mama batasezeranye  nanjye.”

Uriya mukobwa afite imyaka 20 y’amavuko avuga ko yize amashuri atandatu abanza, yemeza ko ikibazo cye ubuyobozi bw’Umudugudu n’ubw’Akagari bukizi ariko ntacyo bamufashajije.

Ati “Ubuyobozi ndabusaba ko bwanshakira aho kuba niba byashoboka bakanyubakira mu munani wa mama, niyo hakubakwa inzu y’ibati rimwe byibura nkabona aho mbarizwa.”

Umunyamabanga Nshingwabikorwa w’Umurenge wa Nyagisozi, Jean Baptiste Habineza yabwiye UMUSEKE ko bagiye gushakira igisubizo uyu mukobwa mu maguru mashya.

Ati “Ni ikibazo cyoroshye, dusanzwe dufasha abatishoboye kuko umwana afite ikibazo ariko ntakwiye kuba ku gasozi kandi nk’ubuyobozi duhari icyo tugiye gukora turaba tumushakiye ahantu aba ari mu gihe icyo kibazo umuryango we utari wagikemura.”

Yavuze ko ubuyobozi bw’Umurenge bushobora kumukodeshereza inzu ariko agasaba umuryango we kwegerana kugira ngo umufashe.

Inzu uriya mukobwa (avuga ko Se umubyara yitabye Imana) yabagamo yasenywe kubera amakimbirane y’abavandimwe bageze kuri batandatu, bayifataga nk’iy’umuryango (ingarigari) ariko itari iy’uyu mukobwa w’umwuzukuru.

Gusa uyu mukobwa ni hariya yarerewe arinda akura abana n’umukecuru waje gupfa nta muntu araze ubutaka bwe.

ivomo: umuseke.rw

- Advertisement -

INKURU ZEREKERANYE N' IYI

LEAVE A REPLY

Please enter your comment!
Please enter your name here

- Kwamamaza -

AMAKURU AGEZWEHO

Gicumbi :Urukiko rw’Ibanze rwa Byumba rwafashe icyemezo cyo gufunga by’agatagenyo iminsi 30 Umupadiri

  Urukiko rw’Ibanze rwa Byumba rwafashe icyemezo cyo gufunga by’agatagenyo iminsi 30 Umupadiri wo muri Paruwasi Gatulika yo mu Murenge wa Cyungo mu Karere ka...

Amagi y’isazi agiye kuba Imari ishyushye ku borozi

Aborozi b’abamtungo magufi nk’Ingurube n’Inkoko bamaze iminsi biyasira bavuga ko ibiryo by’aya matungo bikomeje guhenda, mu gihe Ikigo cy’Igihugu gishinzwe Ubuhinzi n’Ubworozi RAB kibamara...

abayoboke ba Islam bakurikiranyweho ibyaha by’iterabwoba, rukabahanisha gufungwa burundu no kwamburwa uburenganzira bumwe.

Ubushinjacyaha bwasabye Urugereko rw’Urukiko Rukuru ruburanisha ibyaha mpuzamahanga n’ibyambukiranya imipaka, guhamya ibyaha abayoboke ba Islam bakurikiranyweho ibyaha by’iterabwoba, rukabahanisha gufungwa burundu no kwamburwa uburenganzira...

Paris: Inyangamugayo yikuye mu iburanisha kubera uburwayi

  Taliki 01ukuboza 2021, urubanza rwa Muyahimana Claude ushinjwa ubufatanyacyaha muri jenoside yakorewe abatutsi 1994 n’ibyaha byibasiye inyoko muntu,rwakomeje ni ku munsi wa 10 w’urubanza...

Nyagatare :Inkuba yakubise inka 10 z’Umuturage wari uziragiye mu Rwuri

Inkuba yakubise inka 10 z’Umuturage wari uziragiye mu Rwuri ruherereye mu Mudugudu wa Rubira, mu Kagali ka Rutungo Umurenge wa Rwimiyaga mu Karere ka...
- Kwamamaza -