Saturday, December 4, 2021

Umunsi Mpuzamahanga w’Amahoro U Rwanda narwo rurawizihiza

INKURU ZIKUNZWE

Ikigo NESA kirihanganisha abakosoye kibizeza guhembwa vuba

Umuyobozi mukuru w’ikigo cy’igihugu gishinzwe ibizamini no kugenzura amashuri (NESA) arizeza abarimu bakosoye ibizamini bya Leta ko amafaranga bakoreye azaba yabagezeho mu cyumweru kimwe...

Huye: Umugabo atyaza umuhoro akawuraza ku musego, “ngo abwira umugore ko uzakora akantu”

Umugore utuye mu Mudugudu wa Kabakobwa, Akagari ka Musebeya mu Murenge wa Kigoma mu Karere ka Huye avuga ko ahohoterwa n’umugabo bikaniyongeraho kumubwira amagambo...

Hon. Frank Habineza asabye abayobozi ba RURA kwegura niba bananiwe kumanura ibiciro by’ingendo

Intumwa ya rubanda akaba n’umuyobozi w’ishyaka Riharanira Demukarasi no Kurengera Ibidukikije mu Rwanda (Democratic Green Party of Rwanda), Hon. Frank Habineza, mu...

Ibiribwa byongera amasohoro ku bagabo

mpuguke mu by’ubuzima zihamya ko kongera amasohoro no kugira amasohoro afite ubuzima byongera amahirwe yo kubyara, usibye kuba byongera umunezero hagati y’umugabo ugeze igihe...

YANDITSWE NA MURAGIJEMARIYA JUVENTINE 

Ku wa 21 Nzeri buri mwaka, Isi yizihiza Umunsi Mpuzamahanga w’Amahoro, hagatekerezwa ku kamaro kayo ndetse n’uburyo yasigasirwa, aho atari nabwo hagatekerezwa ku cyakorwa ngo aboneke.

Ku rwego rw’isi, uyu munsi washyizweho mu 1982 n’Icyemezo cy’Umuryango w’Abibumbye, mu Rwanda utangira kwizihizwa mu mwaka wa 2011. Kuri iyi nshuro, uyu munsi wahawe insanganyamatsiko igira iti “Dufatanyije Twubake Amahoro”.

Mu kwizihiza uyu munsi, mu Rwanda hibandwa ku kuganiriza urubyiruko ku kamaro k’amahoro, aho Ndayisaba avuga ko ari umwanya wo kuruha urubuga rwo kugaragaza aho ruhagaze mu guharanira amahoro ndetse no gutanga ibitekerezo byarwo ku cyakorwa kugira ngo amahoro aganze.

Ndayisaba kandi asobanura ko impamvu igihugu cyahisemo gushyira imbaraga mu kwigisha urubyiruko akamaro k’amahoro, ari uko gishaka kubaka amahoro arambye, kandi ko ushaka ibiramba, ari ngombwa kubikorana n’urubyiruko.

Yagize ati “Uretse kuba ari bo benshi bagize umubare munini w’abatuye igihugu, ni na bo bafite ejo hazaza imbere yabo, bafite igihe kinini cyo gutafa igihugu mu biganza byabo”.

Yongeyeho ko “Urubyiruko ruba ruri mu gihe cyiza bafite imbaraga z’ibitekerezo, ndetse bafite n’imbaraga z’umubiri. Iyo bafashijwe kubikoresha neza, bashobora kugira uruhare mu kubaka igihugu gifite amahoro”.

Ndayisaba kandi yavuze ko mu rwego rwo gufasha urubyiruko kuba umusingi w’amahoro, ari ingenzi cyane kururinda ‘ibyonnyi’ biruhungabanyiriza amahoro, nk’ibiyobyabwenge, ihohoterwa n’ibindi nk’ibyo.

Yashimangiye ko kugira ngo ibi bikorwa birwanywe, bizasaba imbaraga za buri wese, ati “twese dukwiriye gufatanya kubirwanya, ndetse abakuze bagahugukira kwigisha urubyiruko, ariko na rwo rukwiye kugira ubushake bwo kwihugura kuko hari icyo bakora mu kubyirinda”.

Ndayisaba kandi yibukije ko kugira ngo amahoro arambye aboneke, ari ngombwa ko ababyeyi babigiramo uruhare, birinda ibikorwa by’ihohotera mu ngo zabo kuko bishobora kwigisha abakiri bato imico mibi y’amakimbirane, bakazakura babuza abandi amahoro.

Ati “Burya zitukwamo nkuru, ababyeyi barahamagarirwa kujya mu nshingano zabo, bakirinda ibikorwa bibuza ituze mu miryango yabo, kuko bo ubwabo bibasenya, ariko bikagira ingaruka ku bana bato batabigizemo uruhare”.

Yaboneyeho kunenga ‘ababyeyi gito’ bikoreza umuzigo w’urwango abana babo, bababibamo ingengabitekerezo ya Jenocide, avuga ko badakwiye gukomeza ibyo bikorwa.

Kuri iyi ngingo, Umuyobozi Wungirije w’Umuryango ‘Never Again’, Eric Mahoro, yavuze ko urubyiruko rukwiye gushishoza ibyo ruhabwa, rukirinda icyarushora mu bikorwa byo guhungabanya amahoro birimo n’ingengabitekerezo ya Jenocide.

Yagize ati “icyo dusaba urubyiruko ni uko rukwiye gufata iya mbere mu guhangana n’abagarura ingengabitekerezo ya Jenocide, kuko ni bo bafite uruhare runini ku hazaza h’iki gihugu, ibizaba byose bizabagiraho ingaruka, kandi bafite icyo bigiraho. Turasaba rero ko bakoresha ubumenyi n’imbaraga zabo mu guhangana n’ingengabitekerezo ya Jenocide”.

Yaboneyeho gushimira urubyiruko rukomeje gukora iyo bwabaga mu guhangana n’abakwirakwiza ingengabitekerezo ya Jenocide, avuga ko ari ibikorwa by’ingenzi mu guharanira amahoro arambye.

Mahoro kandi yashishikarije ababyeyi kutaraga abana babo ibibi banyuzemo, ahubwo bagaharanira ko bitazongera kubaho ukundi.

Uyu munsi urizihizwa mu bihe Isi ihanganye n’icyorezo cya Coronavirus, Ndayisaba akavuga ko iki cyorezo na cyo ari kimwe mu bihungabanya amahoro, kandi ko “gukurikiza amabwiriza yo kucyirinda na bwo ari ubundi buryo bwo guharanira amahoro”.

- Advertisement -

INKURU ZEREKERANYE N' IYI

LEAVE A REPLY

Please enter your comment!
Please enter your name here

- Kwamamaza -

AMAKURU AGEZWEHO

Gicumbi :Urukiko rw’Ibanze rwa Byumba rwafashe icyemezo cyo gufunga by’agatagenyo iminsi 30 Umupadiri

  Urukiko rw’Ibanze rwa Byumba rwafashe icyemezo cyo gufunga by’agatagenyo iminsi 30 Umupadiri wo muri Paruwasi Gatulika yo mu Murenge wa Cyungo mu Karere ka...

Amagi y’isazi agiye kuba Imari ishyushye ku borozi

Aborozi b’abamtungo magufi nk’Ingurube n’Inkoko bamaze iminsi biyasira bavuga ko ibiryo by’aya matungo bikomeje guhenda, mu gihe Ikigo cy’Igihugu gishinzwe Ubuhinzi n’Ubworozi RAB kibamara...

abayoboke ba Islam bakurikiranyweho ibyaha by’iterabwoba, rukabahanisha gufungwa burundu no kwamburwa uburenganzira bumwe.

Ubushinjacyaha bwasabye Urugereko rw’Urukiko Rukuru ruburanisha ibyaha mpuzamahanga n’ibyambukiranya imipaka, guhamya ibyaha abayoboke ba Islam bakurikiranyweho ibyaha by’iterabwoba, rukabahanisha gufungwa burundu no kwamburwa uburenganzira...

Paris: Inyangamugayo yikuye mu iburanisha kubera uburwayi

  Taliki 01ukuboza 2021, urubanza rwa Muyahimana Claude ushinjwa ubufatanyacyaha muri jenoside yakorewe abatutsi 1994 n’ibyaha byibasiye inyoko muntu,rwakomeje ni ku munsi wa 10 w’urubanza...

Nyagatare :Inkuba yakubise inka 10 z’Umuturage wari uziragiye mu Rwuri

Inkuba yakubise inka 10 z’Umuturage wari uziragiye mu Rwuri ruherereye mu Mudugudu wa Rubira, mu Kagali ka Rutungo Umurenge wa Rwimiyaga mu Karere ka...
- Kwamamaza -