Saturday, December 4, 2021

Umuturage wari wataye Amafaranga yabonetse Polisi irayamusubiza

INKURU ZIKUNZWE

Ikigo NESA kirihanganisha abakosoye kibizeza guhembwa vuba

Umuyobozi mukuru w’ikigo cy’igihugu gishinzwe ibizamini no kugenzura amashuri (NESA) arizeza abarimu bakosoye ibizamini bya Leta ko amafaranga bakoreye azaba yabagezeho mu cyumweru kimwe...

Huye: Umugabo atyaza umuhoro akawuraza ku musego, “ngo abwira umugore ko uzakora akantu”

Umugore utuye mu Mudugudu wa Kabakobwa, Akagari ka Musebeya mu Murenge wa Kigoma mu Karere ka Huye avuga ko ahohoterwa n’umugabo bikaniyongeraho kumubwira amagambo...

Hon. Frank Habineza asabye abayobozi ba RURA kwegura niba bananiwe kumanura ibiciro by’ingendo

Intumwa ya rubanda akaba n’umuyobozi w’ishyaka Riharanira Demukarasi no Kurengera Ibidukikije mu Rwanda (Democratic Green Party of Rwanda), Hon. Frank Habineza, mu...

Ibiribwa byongera amasohoro ku bagabo

mpuguke mu by’ubuzima zihamya ko kongera amasohoro no kugira amasohoro afite ubuzima byongera amahirwe yo kubyara, usibye kuba byongera umunezero hagati y’umugabo ugeze igihe...

Ku gicamunsi cyo kuri uyu wa Mbere tariki ya 23 Ugushyingo, Polisi y’u Rwanda yasubije umuturage amafaranga ye, wari wataye agatoragurwa n’umupolisi wari mu kazi.

Nyiri aya mafaranga yitwa Uwizeyimana Claudine, yari yayataye tariki ya 12 Ugushyingo hagati y’u muhanda uva kuri Kigali Convention Center (KCC) ugana i Remera.

Polisi y’u Rwanda nyuma yo kubona ayo mafaranga yatanze itangazo rimenyesha umuntu wese wabuze cyangwa wataye amafaranga ku wa Kane tariki 12 Ugushyingo 2020, ku muhanda wa KCC-Remera hagati ya saa tatu n’igice na saa yine za mu gitondo.

Muri iryo tangazo Polisi y’u Rwanda yavugaga ko ayo mafaranga yabonetse atoraguwe n’umupolisi wari ku kazi, yongeraho ko umuntu wese wakumva ari aye yaza ku biro by’umuvugizi wa Polisi y’u Rwanda agatanga ibimenyetso by’ayo mafaranga maze akayahabwa.

Uwizeyimana nyuma yo gusubizwa amafaranga ye ayahawe n’umuvugizi wa Polisi y’u Rwanda, Commissioner of Police (CP) John Bosco Kabera, yavuze ko ayo mafaranga ari ayo yari yahembwe hanyuma akajya kuyabikuza kuri banki kugira ngo yishyurire abanyeshuri anayakuremo n’ibindi bintu yari akeneye.

Uyu Mubyeyi w’abana batatu yagize ati “Muri icyo gitondo kuko umushahara wanjye w’ukwezi wari waje, nibwo nagiye kuri banki mbikuza amafaranga hafi ya yose kugira ngo nishyurire abana ishuri, mpembe abakozi bo mu rugo ndetse na nahahe ibyari bikenewe.”

Akomeza avuga ko yafashe moto imuvanye Kacyiru ajya Kimironko kubanza kwishyura amafaranga y’ishuri muri banki.

Ati “Ubwo twageraga ku Gisementi aho nari ngiye, narebye igipapuro (envelope) nari nashyizemo ya mafaranga ndayibura. Nasabye motari dusubira inyuma nizeye ko ndibubone icyo gipapuro yari arimo ariko ntibyagira icyo bitanga ndayabura.”

Yongeyeho ko uwo munsi ari umwe mu minsi yamubereye mibi. Yabwiye inshuti ze ibyamubayeho ahamagara ku ishuri ababwira ibyabaye abasaba kuba bamwihanganiye ariko hagati aho nanone atekereza ubuzima agiye kubamo muri iyo minsi kugeza igihe umushahara w’ukwezi gutaha uzazira.

Bukeye tariki ya 13 Ugushyingo, Uwizeyimana yahuye n’inshuti ye imubaza niba yarabonye amafaranga yataye.

Ati “Inshuti yanjye yarambajije kubera ko yabonye itangazo rya Polisi rimenyesha umuntu uwo ari we wese wataye amafaranga ngo azaze kuyafata kuko yatoraguwe. Yanyeretse itangazo, igihe ndi kurisoma mbona ibimenyetso biririmo nk’igihe n’umuhanda ayo mafaranga yatakayemo mbona birahura n’icyo gihe nayatereye n’aho nayataye. Naje kuri Polisi ntanga ibimenyetso n’ibisobanuro by’igipapuro yari arimo n’uko yari agiye ameze kuko nari nagiye nyagabanyamo bitewe nibyo naringiye kuyakoresha basanga birahura barayampa.”

Yavuze ko yishyimye cyane nyuma yo guhabwa amafaranga ye, ati “Ntushobora kwiyumvisha ukuntu nishimiye uyu munsi, ndashimira Imana. Polisi irahari kugira ngo umutekano w’abantu n’ibyabo ugerweho, kandi uyu mupolisi watoraguye amafaranga yanjye yaranzwe n’indangagaciro za kinyamwuga.”

Umuvugizi wa Polisi y’u Rwanda, CP John Bosco Kabera yavuze ko Uwizeyimana yatanze ibisobanuro n’ibimenyetso bigaragara ko nta gushidikanya ari aye.

Yagize ati “Igihe umupolisi yatoraguraga amafaranga yahise abimenyesha abamukuriye. Yakoze ibyo yasabwaga nk’umupolisi ufite imyitwarire myiza kandi yabikoze kinyamwuga, kandi iki ni igikorwa ntangarugero yakoze cyo gushimirwa.”

Umuvugizi wa Polisi y’u Rwanda yaboneyeho gusaba abaturage muri rusange guhora batanga amakuru kuri Polisi cyangwa ku zindi nzego bireba igihe cyose babuze ikintu. Yavuze ko Uwizeyimana atigeze atangaza ibyamubayeho, yabibwiwe n’inshuti ye. Yibukije abantu ko ari byiza kumenyesha inzego zibishinzwe kuko biba byoroshye kuba wabona ibintu byawe wabuze cyangwa wataye.

- Advertisement -

INKURU ZEREKERANYE N' IYI

LEAVE A REPLY

Please enter your comment!
Please enter your name here

- Kwamamaza -

AMAKURU AGEZWEHO

Gicumbi :Urukiko rw’Ibanze rwa Byumba rwafashe icyemezo cyo gufunga by’agatagenyo iminsi 30 Umupadiri

  Urukiko rw’Ibanze rwa Byumba rwafashe icyemezo cyo gufunga by’agatagenyo iminsi 30 Umupadiri wo muri Paruwasi Gatulika yo mu Murenge wa Cyungo mu Karere ka...

Amagi y’isazi agiye kuba Imari ishyushye ku borozi

Aborozi b’abamtungo magufi nk’Ingurube n’Inkoko bamaze iminsi biyasira bavuga ko ibiryo by’aya matungo bikomeje guhenda, mu gihe Ikigo cy’Igihugu gishinzwe Ubuhinzi n’Ubworozi RAB kibamara...

abayoboke ba Islam bakurikiranyweho ibyaha by’iterabwoba, rukabahanisha gufungwa burundu no kwamburwa uburenganzira bumwe.

Ubushinjacyaha bwasabye Urugereko rw’Urukiko Rukuru ruburanisha ibyaha mpuzamahanga n’ibyambukiranya imipaka, guhamya ibyaha abayoboke ba Islam bakurikiranyweho ibyaha by’iterabwoba, rukabahanisha gufungwa burundu no kwamburwa uburenganzira...

Paris: Inyangamugayo yikuye mu iburanisha kubera uburwayi

  Taliki 01ukuboza 2021, urubanza rwa Muyahimana Claude ushinjwa ubufatanyacyaha muri jenoside yakorewe abatutsi 1994 n’ibyaha byibasiye inyoko muntu,rwakomeje ni ku munsi wa 10 w’urubanza...

Nyagatare :Inkuba yakubise inka 10 z’Umuturage wari uziragiye mu Rwuri

Inkuba yakubise inka 10 z’Umuturage wari uziragiye mu Rwuri ruherereye mu Mudugudu wa Rubira, mu Kagali ka Rutungo Umurenge wa Rwimiyaga mu Karere ka...
- Kwamamaza -