USA: Bidasubirwaho Joe Biden yemejwe ko yatsinze amatora ya perezida

Congress ya leta zunze ubumwe za Amerika, bidasubirwaho yemeje ko Joe Biden ariwe watsinze amatora y’umukuru w’igihugu yabaye tariki 3, Ugushyingo 2020 nyuma yo gutesha agaciro ibirego bya Trump byo gusubiramo ibirura ry’amajwi hamwe na hamwe.

Bibaye nyuma y’imyigaragambyo ikomeye y’abashyigikiye perezida Donald Trump yamaganaga ibyavuye mu matora y’umukuru w’igihugu yabereye ku nteko ishinga amategeko, US Capitol, imyigaragambyo yaguyemo abantu bane.

Congress iba igizwe n’abasenateri, abadepite ndetse n’abandi bo nzego nkuru z’igihugu yemeje ko Joe Biden yatsinze amatora nyuma yo kwanga ubusabe bwa perezida Trump n’abamushyigikiye bwo gutesha agaciro amajwi y’inteko y’itora (electoral votes) ya Biden yo muri leta ya Georgia na Pennsylvania

Imbuga nkoranyambaga za Perezida Trump za Twitter, FaceBook na Snap zahagaritswe na Twitter Inc, Facebook Inc na Snap Inc, ashinjwa gukwirakwiza ibihuha no kuba ariwe wabaye intandaro y’imyigaragambyo yabereye kuri US Capitol yaguyemo abantu bane.

Biteganyijwe ko perezida Joe Biden azarahirira kuyobora leta zunze ubumwe za Amerika tariki ya 20 Mutarama 2021.

Joe Biden yatsinze Perezida Trump mu matora y’umukuru w’igihugu yabayen tariki ya 3, Ugushyingo 2020, n’amajwi 51.4% kuri 46.9% ya Trump mu matora rusange, ndetse n’amajwi 306 y’inteko y’itora kuri 232 ya Trump. Hano amajwi yari akenewe kugirango atsinde yari 270.

Leave a Reply

Your email address will not be published.